Dette er ein liten test av førstehjelpskunnskapane dine.

Svar så godt du kan på spørsmåla og sjå kor mange rette du klarar.

Foreløpig antal spørsmål i databasen = 60

Spørsmål nr. 1 Ein laushund bit Katrin i foten og det gjer skikkeleg vondt. Hundebitet går igjennom huda. Kva bør Katrin gjere?

Alt. 1: Hundebit skal alltid behandlast av lege. Alt. 2: Hundebit skal behandlast med stivkrampevaksine. Alt. 3: Faren med hundebit er først og fremst rabies. Rabies er ikkje påvist i Noreg så hundebit treng ikkje legebehandling.

Spørsmål nr. 2 Martha er ute aleine og hentarblåbær på hytta. Ho blir biten av ein hoggorm i foten. Kva bør Martha gjere?

Alt. 1: Ho bør springe heim så fort ho kan og varsle foreldra. Alt. 2: Rope om hjelp og få andre til å bære henne heim, kjem ikkje hjelpa kan ho gå roleg heim. Alt. 3: Ho kan plukke ferdig blåbæra, men bør unngå å springe.

Spørsmål nr. 3 Kay har sjølvplukka sopp til middag. Dagen etter har han vondt i magen. Resten av familien er i fin form. Kva gjer du?

Alt. 1: Sender han på sjukehus. Alt. 2: Gjev han mykje mjølk å drikke Alt. 3: Ventar, det går nok over av seg sjølv.

Spørsmål nr. 4 Du er på veg til jonsokbålet når du snublar og må ta deg føre med handa i bålet. Kva gjer du?

Alt. 1: Kjøler handa med iskaldt vatn i eit par minutt. Alt. 2: Kjøler handa med lunka rennande vatn i minst 15 minutt. Alt. 3: Grillar ferdig og smør handa med fuktighetskrem etterpå, det er førstehjelp nok.

Spørsmål nr. 5 Du finn ein person som har segna om på bakken. Personen er ved medvit. Er det riktig eller galt å plassere personen i sideleie?

Alt. 1: Riktig Alt. 2: Galt

Spørsmål nr. 6 Heitekramper kjem av at vi inntek vatn, men ikkje erstattar salttapet. Riktig eller galt

Alt. 1: Riktig Alt. 2: Galt

Spørsmål nr. 7 Ei utslått tann skal alltid leggast i vatn og takast med til tannlegen. Riktig eller galt?

Alt. 1: Riktig Alt. 2: Galt

Spørsmål nr. 8 Bernt åpnar eit brev frå likningskontoret. Han dett og slår hovudet i golvet. Han blir liggande utan å røyse seg. Kva skal ein gjere aller først?

Alt. 1: Ringe etter ambulanse 1-1-3 Alt. 2: Ein avventar og ser om han kviknar til. Alt. 3: Prøver å få kontakt med han for å sjekke om han er medvitslaus.

Spørsmål nr. 9 Smerter i magen etter ei ulukke betyr som regel at personen har ei indre blødning. Riktig eller galt?

Alt. 1: Riktig Alt. 2: Galt

Spørsmål nr. 10 Når ein vaksen person blir plutseleg kraftlaus eller slapp, kan det vere eit teikn på alvorleg hjartesjukdom og ein skal ringe 1-1-3. Riktig eller galt?

Alt. 1: Riktig Alt. 2: Galt

---

Testen er utarbeidd av Knut Arne Nygård for Ørsta Røde Kors.